Lab par naat-e-pak ka naghma kal bhi tha aur aj bhi hy
Mery Nabi sy mera rishta kal bhi tha aur aj bhi hy

aur kisi janib kiyon jayen aur kisi ko kiyon dekhein
apna sab kuch gumbad-e-khizra kal bhi tha aur aj bhi hy

pust wo kesy ho sakta hy jisko Haq ny buland kiya
dono jahan main unka charcha kal bhi tha aur aj bhi hy

jis ky faiz sy banjar seenon ny shadabi payi hy
mauj main wo rehmat ka darya kal bhi tha aur aj bhi hy

batla do yeh hr dushman-e-deen ko ghairat-e-muslim zinda hy
deen pr mar mitny ka jazba kal bhi tha aur aj bhi hy

in ky dar sy sab ho aaye jaa na saka to aik sabhi
yeh ky aik tasweer-e-tamana kal bhi tha aur aj bhi hy

jinn ankhon sy taiba dekha wo ankhein bay taab hein phir
inn ankhon main aik takaza kal bhi tha aur aj bhi hy

__________________
Defeat is not when you fall down, it is when you refuse to get up. So keep getting up when you have a fall.