Ik Baar Phir Kaho Zara
Ik bar phir kaho zara,
Keh meri sari kainaat
Teri ik nigah per nisar hai
Meri teera zindagi ka noor tu
Jannat-e-arzi, main rashk-e-hoor tu
Lazzat-e-jaan, rahat-e-qalb-e-hazeen
Ishrat-e-nazara, mehvesh, mehjabeen
Ik bar phir kaho zara,
Keh tu bohat haseen hai
Nigah main shabab ka khumar hai
Sharm kay parday main pinhaan shokhiyan
Muskurahat main nihaan hon bijliyan
Her ada teri mujhay merghoob hai
Dehr ki her cheez say mehboob hai
Ik bar phir kaho zara ,
Keh paiker-e-fani hay kya
Keh dil to teri rooh per nisar hai
Jism fani, husn bhi fani mera
Jazb-e-dil lekin hay lafani mera
Mard herjai hai her gul per nisar
Dil magar deti hay aurat aik bar
Ik bar phir kaho zara ,
Keh mujh ko ghair ka khayal
Tauba tauba sakht nagavar hay
Main vohi hoon, main badal sakti nahin
Doosray saanchay main dhal sakti nahin
Ab teray taiver, teray qaul aur hain
Main kahan ab qabil-e-ghaur aur hain
Ik bar phir kaho zara ,
Keh mera ishq Mehr aur maah
say ziyada paidar hay
Meray sir ki jhooti qasmain kya hooin
Zahiri ulfat ki rasmain kya hooin
Girya-e-paihem vo uljhan kya hui
Aanch ki tezi vo dharkan kya hui
Ik bar phir kaho zara,
Keh mera ishq Ustuvar
Rooh say ziyada ustuvar hai
Baandh ker ehd-e-vafa torra to kya
Sheesha-e-dil torr ker jorra to kya
Sub samajhti hoon magar maazoor hoon
Dil ki iss feryaad say majboor hoon
Ik bar phir kaho zara,
Keh meri sari kainaat
Teri ik nigah per nisar hai
__________________
The Me you have always known, the Me that's a stranger still.
|