MAIN TO KHUD AAP (S.A.W) KAY DAR KA GADA HOON
APNAY AAQA (S.A.W) KO MAIN NAZR KYA DOON
AB TO AANKHOON MAIN BHE KUCH NAHI HAY
WARNA QADMOON MAIN AANKHAIN BICHA DOON
AANAY WALI HAY AAP (S.A.W) KE SAWARI
PHOOL NAATOON KAY GHAR GHAR SAJA DOON
MERAY GHAR MAIN ANDHERA BOHAT HAY
APNI PALKON PAY SHAMMAIN JALA DOON
RAUZA-E-PAAK PAISH-E-NAZAR HAY
SAMNAY MERAY AAQA (S.A.W) KA DAR HAY
MUJH KO KYA KUCH NAZAR AA RAHA HAY
TUM KO LAFZOON MAIN KESAY BATA DON
MERAY AANSU BOHAT QEEMTI HAIN
IN SAY WABASTA HAY AAP (S.A.W) KE YAADAIN
IN KEE MANZIL HAY KHAK-E-MADINA PAAK
YE GOHAR YOUN HE KESAY LUTA DOON
MAIN FAQAT AAP (S.A.W) KO JANTA HOON
OR USI DAR-E-PAAK KO PEHCHANTA HON
IS ANDHERAY MEIN KIS KO PUKAROON
AAP (S.A.W) FARMAYAIN KIS KO SADA DOON
QAAFILAY JA RAHAY HAIN MADINA PAAK
OR HASRAT SAY MAIN TAK RAHA HOON
YA LIPAT JAOON QADMOON SAY UN KAY
YA QAZA KO MAIN APNI SADA DOON
MERI BAKHSHISH KA SAAMAAN YEHI HAY
OR DIL KA BHE ARMAAN YEHI HAY
AIK DIN AAP (S.A.W) KE KHIDMAT MAIN JA KAR
AAP (S.A.W) KE NAATAIN AAP (S.A.W) KO SUNA DOON
MUJH KO IQBAL NISBAT HAY UN SAY
JIN KA HAR LAFZ JAAN-E-SUKHAN HAY
MAIN JAHAAN NAAT APNI SUNA DOON
SARI MEHFIL KE MEHFIL JAGA DOON
MAIN TO KHUD AAP (S.A.W) KAY DAR KA GADA HOON
APNAY AAQA (S.A.W) KO MAIN NAZR KYA DOON
l
Last edited by Chauhdary12; Sunday, June 19, 2011 at 04:14 AM.
|