ishq laa_mahadood jab tak rahanumaa hotaa nahin
zindagii sey zindagii kaa haq adaa hotaa nahin

es sey barh kar dost koi dosra hota nahin
sab judaa ho jaaye lekin Gham judaa hotaa nahin

bekaraan hotaa nahin be-intehaa hotaa nahin
qatara jab tak barh key qul_zam aashnaa hotaa nahin

zindagii ik haadasaa hai aur aisaa haadasaa
maut sey bhii Khatm jis kaa silasilaa hotaa nahin

dard sey maamoor hotii jaa rahii hai qaayanaat
ik dil-e-insaan magar dard aashnaa hotaa nahin

is maqaam-e-qurb tak ab ishq pahunchaa hai jahaan
diidaa-o-dil kaa bhii aksar vaastaa hotaa nahin

ALLAH ALLAH yea kamaal-e-irtabaat-e-husn-o-ishq
faasaley hoon laakh dil se dil judaa hotaa nahin

waqt aataa hai ik aisaa bhii sar-e-bazm-e-jamaal

__________________
Do Not Hunt,If You Can`t Kill..