Koi mera bhi to ho saath nibhanay ke liye
Mujhe maangey KHUDA se apna bananey ke liye
Mere aansoo meri palkon say churanay ke liye
Bas wohi ho mujhe seenay se laganey ke liye
Yun to hain chahnay walay bohat se dunya mein
Nahin hai koi magar saath nibhanay ke liye
Din bhar khwaab jo tootay thay samaitay humne
Phir so gaye, naye khwaab sajanay ke liye
Roz ik Jehd-e-Musalsal mein laga rehta hoon
Phir tumhe yaad kiya humnay bhulanay ke liye
Meri saanson ki rawaani to faqat dhoka hai'
Haan main zinda hoon magar sirf dikhanay ke liye