Aaj baazar main
Aaj baazar main paa-bajolan chalo
Chashm-e-nam, jaan-e-shoreeda kafi nahin
Tohmat-e-ishq-e-posheeda kafi nahin
Aaj baazar main paa-bajolan chalo
Dast afshan chalo, mast-o-raqsan chalo
Khak bar sar chalo, khoon badaaman chalo
Rah takta hai sub shehr-e-janan chalo
Hakim-e-shehr bhi, majma-e-aam bhi
Teer-e-ilzam bhi, sang-e-dashnam bhi
Subh-e-nashaad bhi, roz-e-naakaam bhi
Un ka dum-saaz apnay siwa kaun hai
Shehr-e-janaan main ab baa-safa kaun hai
Dast-e-qatil kay shayan raha kaun hai
Rakht-e-dil bandh lo, dil-figaron chalo
Phir hamee.n qatl ho aain yaro chalo
__________________
The Me you have always known, the Me that's a stranger still.
|