Quote:
Originally Posted by Hamidullah Gul
Kia koi Muhtarm rukn Aasan alfaz me aur thori si tafsil ke sath " Dehlviat" pr roshni dal sakta hai? Nawazish hogi......
|
Urdu Shairi ki 2 bray dabistan(schools) apni mukhtalif aur mutazaad khasosiaat ki bina per shohrat rkhtay hain: Dabistan e Dehli aur Dabistan e Lakhnau.
Dabistan e Dehli ki shairi ki numaaya khasosiaat Saadgi, Sana't e maanvi, Amrad Parusti, Daakhliyat, Rimziyat aur Tasawuf hain. Is Dabistaan k numaayan shoraa Mir Taqi Mir ,Mir Dard, Sodaa, Zauq aur Momin thay. Baad k shoraa me se jo shair in rujhanaat ki akaasi krta hai tou us ka ye rujhaan
Dehlviat kehlaata hai. Is k muqaabil "Lakhnaviat" b hai yaani
Dabistaan e Lakhnau ki khasosiaat, jis me Kharjiyat, Riayat e Lafzi, Qafiya Pemai, Maamla Bandi aur Nisaaiyat hain. Shoraa me Mashafi, Jura't, Naasikh aur Aatish shamil hain.