Asar karay na karay sun to lay meri fariyad
nahin hay daad ka talib yeh banda-e-azad


yeh musht-e-khak, yeh sur-sur, yeh wus-at-e-iflak
karam hay ya k sitam teri lazzat-e-eejad


qusoor war, ghareeb-ud-diyar hoo-n lekin
tera kharaba firishtay na kar sakay aabad


meri jufa-e-jali ko duaein deta hay
wo dasht-e-saada, wo tera jahan-e-bay-buniad


khatar pasand tabee-at ko sazgar nahin
wo gul-sita-n k jaha-n g-haat mein na ho sayyaad


muqam-e-shoq teray qudsiyo-n k bas ka nahin
unhi ka kaam hay yeh jin k hoslay hein ziyad