Thread: Sheher ko teri justaju hai bohat..
View Single Post
  #8  
Old Thursday, September 27, 2012
quratulain syed's Avatar
quratulain syed quratulain syed is offline
Senior Member
  
Join Date: May 2010
Location: Hyderabad
Posts: 429
Thanks: 169
Thanked 584 Times in 371 Posts
quratulain syed will become famous soon enough
Default
aao ki ko_ii Khvaab bune.n kal ke vaaste
varanaa ye raat aaj ke sangiin daur kii
Das legii jaan-o-dil ko kuchh aise ki jaan-o-dil
taa-umr phir na ko_ii hasii.n Khvaab bun sake.n

go ham se bhaagatii rahii ye tez-gaam umr
Khvaabo.n ke aasare pe kaTii hai tamaam umr

zulfo.n ke Khvaab, ho.nTho.n ke Khvaab, aur badan ke Khvaab
meraaj-e-fan ke Khvaab, kamaal-e-suKhan ke Khvaab

tahaziib-e-zindagii ke, faroG-e-vatan ke Khvaab
zindaa.N ke Khvaab, kuuchaa-e-daar-o-rasan ke Khvaab

ye Khvaab hii to apanii javaanii ke paas the
ye Khvaab hii to apane amal ke asaas the
ye Khvaab mar gaye hai.n to be-rang hai hayaat
yuu.N hai ki jaise dast-e-tah-e-sang hai hayaat

aao ki ko_ii Khvaab bune.n kal ke vaaste
varanaa ye raat aaj ke sangiin daur kii
Das legii jaan-o-dil ko kuchh aise ki jaan-o-dil
taa-umr phir na ko_ii hasii.n Khvaab bun sake.n
Reply With Quote
The Following 5 Users Say Thank You to quratulain syed For This Useful Post:
alihashmatkhoso (Friday, September 28, 2012), new_horizons (Saturday, September 29, 2012), redmax (Saturday, September 29, 2012), shahzeb22 (Saturday, November 03, 2012), zaigham khan (Thursday, September 27, 2012)