Main khud se apni wafa ka qaedi
Main khud se apni wafa ka qaedi
Main khud se apni wafa ka qaedi
ana parasti ke mausmoon mein
samandaroon ki hawa ka qaedi
kissay bataoon ke kitni zehreeli meri tanhai
kaun janay
na koi dewaar hai
jo mere sawal sun kar
jawab ugllay
na koi darr hai
ke jo kissi shabb
kissi ke anay ka adh adhoora gumaan bakhshe
kisse bataoon ke apni tareek galioon mein
bhatak gaya hoon
kisse bataoon ke thak gaya hoon
main thak gaya hoon to sochta hoon
koi to mujh ko sitara ban ker nishan-e-manzil ki roshni de
koi to meri bhi aarzo'on ka chand tthehre
main jis ki ankhoon pe geet likhoon
main jis ke hontoon ko gunguna'oon
main jis ke hathoon ko choom ker
apni band ankhoon se dair tak yuun lagae rakhoon
keh jaise binai mil rahi ho
magar main dast-e-dua ka qaedi
main lafz lekin sada ka qaedi
ana parasti ke mausmoon mein
samandaron ki hawa ka qaedi
__________________
*********************************
The only verdict is vengeance; a vendetta,
held as a votive, not in vain, for the value
and veracity of such shall one day vindicate
the vigilant and the virtuous.
*********************************
|