juz tere koi bhi din raat na janay mere
tu kahan hai magar aey dost, puraney mere
tu bi khushboo hai magar mera tajassus baykaar
barg-e-awara ki manind, thikanay mere
shamma ki lau thi ke woh tu tha magar hijjr ki raat
daer tak rota raha koi sarhanay mere
khalq ki be'khabbri hai ke meri ruswaai
log mujh ko hi sunatay hein fasanay mere
aaj eik aur baras beet gaya us ke baghair
jis ke hotay hovay hotay thay zamanay mere
kaash tu bhi meri awaaz kahin sunta ho
phir pukara hai tujhay dil ki sada ne mere
kaash tu bi kabhi aa jaye maseehaai ko
laug aatay hein buhat dil ko dukhanay mere
__________________
*********************************
The only verdict is vengeance; a vendetta,
held as a votive, not in vain, for the value
and veracity of such shall one day vindicate
the vigilant and the virtuous.
*********************************
|