Dear members,
I could not share my psychological interview before so I am sharing it today. It was completely in Urdu. It went like this.
Ma'am:
- So, kya Naam hai apka?
- Beta pura naam batate hain.
- Aap karti kya ho? Koi job waghaira?
- Nahi ok. Acha family k baray me baat karte hain.
- Ap k father airforce officer hain?
- Un ka rank?
- Mother kya karti hain. Unki qualification?
- Acha wo b css qualified. konse year mein kia tha?
- Job kyun chori thi unhu ne?
- Kitne behn bhai ho? Ap ka num?
- Behn kya krti hai?
- Konse medical college se?
- Bhai kya krta hai?
- Acha chota hai. Ap centre wale no. pe ho na. Apko nahi lgta k baray aur chotay ko kafi importance milti hai lekin centre walay ko utni nai milti, aksar to neglect ho jata hai?
- Kabhi b nahi laga?
- Acha wase ap k khyal mein kis k sath lenient behaviour hona chahye?
- Chotay k sath kyun?
- Ap ne f.sc ki na? pre medical? Phir ye B.A aur M.A kyun?
- Udr admission kyun nahi lia kya hua tha?
- Acha. Ye ap ne jo preferences di hain DMG kyun?
- OMG bohat upar nahi rakh dia?
- Kya farq hai DMG or OMG mein?
- DMG ka b office to hota hai na?
- IRS kya hai?
- Kaise karta hai wo kaam?
- PCS kya hai?
- Customs service itna ahista kyun kaha? You are not sure?
- PSP kis number pe hai apki preference mein?
- Agar FSP mei bhej dain apko tou?
- Apki first attempt hai na? Acha tyari kahan se ki thi css ki?
- Koi academy ni ki join?
- Konsi? Kitne se time k liye?
- Hain 3 weeks? 3 weeks acad ja k ho jati hai tyari css ki?
- tests jo diay un mein kase marks aye thay?
- tou total kitna time dia css ko?
- 2 months kafi lage thay? hogai thi tyari? phle kya kr rahi thi?
- Acha haan theek hai isi saal masters complete kia.
- Interview ki tyari kaisi hai? aur psychological ki kahan se ki?
- Psych ki tyari ki he nahi? aur interview ki abi karni hai to kahan se karen gi?
- Newspaper konsa parhti ho.
- Kya parhti ho dawn mein?
- Pichle dino un k ek columnist ki death hui. kon thay?
- Kin issues pe likhte thay cowasjee?
- Un k column saray parhti thi?
- Editor kaun hai dawn ka?
- Pakistan ka growth rate kitna hai?
- Cssforum pe ho?
- So udhar help karo gi friends ki.
- Haan achi baat to hai help krna. kaise karo gi kuch yaad hai kal konse tests huay thay?
- Ye to general btaya na. Un k koi questions yaad hain?
- Btaen questions jo yaad hain.
Theek hai thank you.
2nd psychologist:
- America abi koi aid de rha hai pakistan ko?
- Ye CSF kitna hai andazan? ya exact amount pta hai?
- Humein kyun leni chahye ye aid? leni chahye b ya nahi?
- kyun nahi leni chahye?
- Ye apki educational profile hai mere samne, f.sc mein tou bohat zabardast marks hain ap k phir kya waja thi medical mein nahi gai?
- Tou agle saal kar lena tha. kyun nahi kia?
- Saal waste to hojata lekin ap doctor b tou ban jati. Faeda he hota.
- Haan waqt b qeemti hai. Ye wase bura nahi hua jo medical me nahi gai?
- Ab kabhi khyal to a he jata hoga k dr bn he jati. phir depression hota hoga?
- Css ka kab socha k krna hai?
- Us se phle kya socha hua tha?
- Lekin css he kyun? Aur b achi achi jobs hoti hain.
- Government jobs b tou boht hain css k ilawa. Phir?
- Lekin ye OMG to best bilkul nahi hai phir ye apki upar ki preferences mein kyun hai?
- Bhai ne kya karna hai? kya dr bnega?
- Acha farz karen agar ap dr he banti to kis field mein specialization karti?
- Surgery mein kyun nahi?
- surgery k illawa kon kon c fields hain?
- tou medical specialist kyun nahi?
- Sister ne kis me karna hai specialize?
- Cardiac ya neuro surgery tou phir apko surgery se kya problem hai apki behn ko to nahi hai.
3rd psychologist:
- Ye Osama bin Ladin ka waqia hua, apko kase pta laga usama k pakistan mein hne ka?
- News k illawa nahi pta laga kahin se?
- Ye jo her roz drones ate hain, ye theek ho rha hai kya?
- Kya waja hai k hum America ko rokte nahi. Iran to koi baat nai sunta america ki, abhi us ne drone b utar lia hai unka.
- Apko lgta hai iran waisa drone bna lega?
- ok thank you very much.
This is all I can recall now. There were a few other questions as well but I have forgotten those questions. Hope this will help.
Regards.