badal gaya to kiya huwa
badal gaya to kiya huwa..ke dil ka woh bura nahin
usay yoon bad'dua na do...woh shakhs bay wafa nahin
hikayatain meri sabhi... na sun sako gay humnasheen
yeh dastan hai dard ki...yeh dil ka maajra nahin
ajab hii zaabtay rahay..nazar ke is dayaar main
jo aik bar gir gaya...toh phir say woh utha nahin
na kholna yahan ke dar..ke dil nagar ajeeb hai
jo zakhm ban geya yahan...wuh umr bhar bharah nahin
kiyon manzilain alag huween? juda huwe kiyoon rastay?
ya main ulajh gaii kahin...ya wuh samajh saka nahin..!
baghair jiske aik pal bhi kaatna muhaal tha
umar huwi ke uska ab..koi ata pata nahin...
hathailiyoon main aaj tak usi ka naam darj hai
main kaisay maan loon bhala..? mera woh ab raha nahin
nahin kaho isay ana...yeh aajzi ka zau'm hai
main toot kar bikhar gaii...magar yeh sar jhuka nahin
khabar kiya ho sakay tujhe...ke main hoon kis azaab main!
tu bay rukhi ki aag main..meri tarha jala nahin
mehaz yeh farq reh gaya .. muhabbatoon ki dorr main
main uski ho gaii magar.....woh mera ho saka nahin
__________________
*********************************
The only verdict is vengeance; a vendetta,
held as a votive, not in vain, for the value
and veracity of such shall one day vindicate
the vigilant and the virtuous.
*********************************
|