Mumkin ho aap say to bhulaa diijiye mujhay

Patthar pe hoon lakiir miTaa diijiye mujhey

Her roz mujh say tazah shikaayat hai aap ko
Main kyaa hoon ek baar bataa diijiye mujhay

Meray siwaa bhii hai koii mauzu-e guftugu
Apnaa bhii koii rang dikhaa diijiye mujhay

Main kyaa hon kis jagah hon mujhay kuch Khaber nahi
Hain aap kitnii door sadaa diijiye mujhay

Ki main nay apnay zaKhm ki tash'hir ja-ba-ja
Main mantaa hoon jurm sazaa diijiye mujhay

Qayem to ho sakay koi rishta gauhar kay saath
Geharay samundaron main bahaa diijiye mujhay