Badnami-e hayat se ranjoor ho gaye,
A yar teri bat se ranjoor ho gaye,

Yazdaan k hadsat pe hum ne kiya yaqeen,
Apni shikast-e zaat se ranjoor ho gaye,

Murjha k reh gayi gham-e dushnaam ki bahar,
Fasll-e takalufat se ranjoor ho gaye,

Har rah'guzr pe choor hain insaniyat k paon,
Sheeshay ki kaenaat se ranjoor ho gaye,

Apnon ne zindagi main hirasaan kiya mujhy,
Ghairon k iltifaat se ranjoor ho gaye,

SAGHAR sakon de gayi dil ki kask hamen,
Aksar khushi ki baat se ranjoor ho gaye.

SAGHAR SIDIQI