Ho teray biabaN ki hawa tujh ko gawara
is dasht say behtar hay na dilli(dehli) na bokhara
jis simt maiN chahay sifat-e-sail-e-rawaN chal
wadi yeh humari hay wo sehra bhi hamara
hasil kisi kamil say yeh poshida hunar kar
kehtay haiN kay sheeshay ko bana saktay haiN khara (granite)
ghairat hay bari cheez jehan-e-tagh-o-do maiN
pehnati hay darwesh ko taj-e-sir-e-dara
afrad kay hotoN maiN hay aqwam ki taqdeer
her furd hay millat kay muqaddar ka sitara
dunia ko hay phir marka-e-rooh-o-badan pesh
tehzeeb nay phir apnay darindoN ko ubhara
Allah ko hay pamardiay momin pay bharosa
iblees ko europe ki machinoN ka sahara
Taqdeer-e-umam kia hay koi keh nahiN sakta
momin ki farasat ho to kafi hay ishara
__________________
~~We JuDgE OurseLves By What we feeL CapabLe Of doing,While OthErs JudGe Us By whaT we have already DonE~~
|