tabiiyat in dinoN be-gaana-e-Gham hotii jaatii hai
mere hisse ki goyaa har Khushii kam hotii jaatii hai
qayaamat kyaa! ye ai husn-e-do-aalam hotii jaatii hai
ke mehfil to vohii hai, dilkashi kam hotii jaati hai
vohii mai-Khaana-o-sahbaa, vohi saaghar, vohii shiishaa
magar aavaaz-e-nushaanosh maddham hotii jaatii hai
vohii hai shaahid-o-saaqii magar dil bujhtaa jaataa hai
vohii hai shammaa lekin raushnii kam hotii jaatii hai
vohii hai zindagii lekin “Jigar” yeh haal hai apnaa
ke jaise zindagii se zindagii kam hotii jaatii hai
Jigar Moradabadi