Kabhi mujh ko saath lay kar, kabhi meray saath chal kar
Vo badal gaya achaanak meri zindagi badal kar

Huye jis pe meharaba'n tum koi khush nasib hogaa
Meri hasratein to nikalein meray aa'nsuo'n mein dhal kar

Koi phuul ban gayaa hai, koi chaand, koi taaraa
Jo chiraagh bujh gaye hain teri anjuman mein jal kar

Meray dosto Khuda_raa meray saath tum bhi dhoondo
Vo yahein kahein chhupay hain meray gham ka rukh badal kar

Teri bay_jhijhak hansi say na kisi kaa dil ho mailaa
Ye nager hai aayino'n kaa yaha'n saa'ns lay sambhal kar