Ya Meri Baat Samajh, Ya Mujhay Pagal Kar De
Aye Khuda Ab Tu Usay Jhoomta Badal Kar De
Yohn Woh Barsay K Merey Pyaar Ko Jal Thal Kar De
Merey Mehboob K Pairoon Ko Chenta Choomay
Aisey Cheentay Ko Chamakti Hue Payal Kar De
Kaisey Mumkin Hai K Main Hashar K Suraj Say Daroon
Mujh Pay Saya Jo Merey Yaar Ka Aanchal Kar De
Aye Merey Hussan-E-Khayal Us Ko Sajanay K Liey
Subh Ko Ghaza Bana, Raat Ko Kajal Kar De
Aaj Phir Jheel Kinaray Mujhay Tarpata Hai
Kaash Is Chaand Ko Paani Main Koi Hal Kar De
Aye Muqaddar Mujhay Tarsai Ga Akhir Kab Tak
Ya Meri Baat Samajh, Ya Mujhay Pagal Kar De
Woh Mujhay Kar Tu Raha Hai Nazar Andaaz Qateel
Is Ko Bhi Waqt Zamanay Say Na Ojhal Kar De ...
__________________
Hai ghanimat kay israr-e-hasti sai hum
Bay khabr aaie hain, bay khabr jaien gain
Q A
|