میں پیش خدا جانے کے قابل نہیں ہوتا
سلام
سید اقبال رضوی شارب
شبّیر کا غم گر مجھے حاصل نہیں ہوتا
میں پیش خدا جانے کے قابل نہیں ہوتا
ہوتی جو ذرا احمدِ مرسل کی محبّت
ہم شکل پیمبر کا وہ قاتل نہیں ہوتا
غم گھٹتے ہیں سب گردش ایّام سے لیکن
موسم غمِ شبّیر کا زائل نہیں ہوتا
انساں پہ اثر کرتی ہیں غیروں کی تکا لیف
پتھر کا جگر مائلِ بسمل نہیں ہوتا
پشتوں سے گداءے درِ شبّیر ہوں شارب
دل غیروں کی جانب کبھی مائل نہیں ہوتا
|