تکمیل بشر کی حد آخر ہیں محمّد
سلام
سید اقبال رضوی شارب
مجھ پر مرے اجداد پہ خالق کی عطا ہے
ہم کو در شبّیر جو ورثے میں ملا ہے
تکمیل بشر کی حد آخر ہیں محمّد
پھر اس سے پرے صرف خدا صرف خدا ہے
دو ٹکڑے ہیں اک نور کے یہ احمد و حیدر
اس واسطے وہ نفسِ رسولِ دو سرا ہے
سب وار دیا دین پہ قاسم ہو کہ اکبر
سر شکر کے سجدے میں کٹایا کہ خدا ہے
جب بھی کبھی تنہائی ہو محتاط بھی رہنا
خلوت میں ہی ابلیس نیں کتنوں کو ٹھگا ہے
مولا کے مقولات میں اک یہ بھی ہے شارب
*مکسور ارادوں نے بتایا کہ خدا ہے
(حضرت علی کا ایک ارشاد یہ بھی ہے کہ میں نے الله کو اپنے ارادوں کے ٹوٹنے سے پہچانا )
|