Tarrapta hay yeh dil, machalta hay yeh dil
Tumharay liay hi dharrakta hay yeh dil

Jo mumkin ho ik bar jalwah dikha do
Tumhain dekhnay ko tarasta hay yeh dil

Her ik ghum saha hay meray dil nay lakin
Kahan ab sanbhlay sanbhalta hay yeh dil

Shab-e-hijar hay, aag dil main lagi hay
Sar-e-sham say hi sulagta hay yeh dil

Jahan main sabhi ghair lagtay hain mujhko
Tumhi ko bas apna samjhta hay yeh dil

Mulaqat ki aas jab say hay bandhi
Musarat say kaisay uchalta hay yeh dil

Khurd say hoti hay roz takrar iss ki
Jano.n main roz garajta hay yeh dil

Sajaye hon main bam-o-dar apnay ghar k
Chalay aain, rah takta hay yeh dil

Aksar sehtay howay tumharay ghum, humdam
Jam-e-nain labraiz, chalakta hay yeh dil

Na aao magar mujh say wada tu kar lo
Keh wado say ub bhi behalta hay yeh dil

Aghiyar k wastay tumhari nazar-e-inayat
Tabhi tu Ghazal ka jalta hay yeh dil