[QUOTE=Princess Royal;389279][COLOR="DarkGreen"][B]@ PRESTIGIOUS[/B][/COLOR]

Pichli baar yaad he nahi raha kehna. Khair, koi khaas background nahi hai. Meray demaagh mein kuch na kuch chalta rehta hai aur jab kuch buhat intense ho jaye tou mein kahin na kahin keh dayti hoon. Es baar forum per keh diya.

[COLOR="DarkGreen"][B]@ ALI[/B][/COLOR]

Jo aap ne kahan bilqul daroost kaha. Allah pe bharosay say kuch yaad aya: kisi say ek mertaba suna tha kay jab musibat kay waqt Allah per itna bharosa kerlo kay yakeen ho saab theek he ho ga tou Khuda us banday ko kabhi mayoos nahi kerta aur woh es liye kyun ke jab Woh yeh dekhta hai kay uska banda us per kitna bharosa kerta hai tou Woh usko kabhi mayoos ker he nahi sakhta kyun ke woh uska Rab hai. Allah ki rah per hum ek qadam lein gay tou woh sou darwaazay khol day ga. En batoon per yaqeen hona chahiye aur enko hamein apnay andar itnay door tak rekhna chahiye kay aur kisi cheez ki jagha he na rahay ;). Abhi kuch haftay pehlay mein ne ek 17-18 salaan ladkay ki death ka sunna. Yeh woh umr hai kay jis ko kaha jata hai "abhi umr he kiya hai". Infact, ab tou usually jawaan logoon ki death ka he sunnay mein ata hai. Tou jab "umr nahi" waloon ki umr ka koi bharosa nahi tou baakiyon ki kiya guarantee hai? Kiya milay ga duniya ki fiqar kernay say? Agar abhi bethay bethay mein upar pohanch jaon tou meray jawaab kon day ga? Loog tou nahi ayein gay meray liye asaani paida kerne. Maana kay yeh saab asaan nahi, khud ko bhi badalna asaan nahi, per "nai" ko "haan" kehnay ki zaroorat hai sirf. Aur phir jis ka saath Allah dey dey, loog aur duniya kiya kerlay gay uska :). Bus thoray say positive nazariye ki zaroorat hai aur mazboot imaan ki.

Jaisa kay angraiz bhi kehtay hain kay jo universe mein send karon gay wohi wapis aye ga, aur jis cheez ko apnay andar buhat basa lo ek yaqeen kay saath phir woh haqeeqat bun he jaati hai.[/QUOTE]

Main Aap sub logon' ki Baaton' se sehmit hun'. Lekin ek shair yad aa rha hai isy hawalay se, socha share kr dun'.

[CENTER]Butt bhi rakhay hain Namazain bhi ada hoti hain
Dil mera dil nhi Allah ka ghar lgta h
Ashk seenay main uttar ayain koi khauf nhi
Dil jab aankhon' main dharakta hai, Darr lgta hai[/CENTER]

@ARAIN

[QUOTE]Jb bnday ka emaan mazboot ho ga tu phir wo dunya ki fikar sy azaad ho kr Akhrat ko sanwarnay ka sochay ga. Aur phir wo shakhs Akhrat k faiday k liay aur ziada koshish kry ga.[/QUOTE]

Aap ki es baat say mujhey kuch yaad aya. Ek recent soch hai jo mein share kerne ja rahi hoon aur aap saab kay comments chahti hoon us per.

Hum sirf "janat" aur "dozaq" ki hadh tak he kyun sochtay hain? Kyun har cheez hum dozaq say bachnay aur janat ko hasil kerne kay liye kertay hain? Kyun hum apne aur dosaroon kay dil mein Allah ka DAR paida ker daytay hain. Dar zaroori hai per i believe sirf us hadh tak kay Woh jo chahay aur jab chahay ker sakhta hai, uski zaat say barha koi nahi, insaan ko kabhi baray bool nahi bolnay chahiein aur Khuda ka "dar" rehna chahiye. Aur us hadh tak bhi kay jahan insaan ko frequently HAQEEQAT yaad dilai jaye. But har waqt ka dar nahi, aisa "dar" nahi kay "haye mein ne itna bura kaam ker diya ab pata nahi Woh mujhey maaf bhi karay ga yaan nahi". Es dar kay bajaye us per bharosa kyun nahi ke woh maaf kerna waala hai? Bus har waqt ek "dar" laga rehta hai kay mujhey aglay jahan azaab jhailna na par jaye. Yeh tou aisay lagta hai kay jaisay "conditionally" saab kiya ja raha hai, like namazein perni hain cuz uski maafi nahi, rozay rekhnay hain cuz unki bhi maafi nahi, and the likes. Shayad yeh "dar" ek terhan say theek bhi ho kay atleast loog buray kamoon say tou bachay rehtay hain. Per shayad yeh insaan ko "DIVINE" level tak nahi pohanchnay dayta. Wohi namaz ki eg doun gi, KYUN KE (condition) namaz ki maafi nahi tou perhni hai....woh alag baat hai kay kaisay perhi ja rahi hai like taizi, fata fat sajday maaray aur namaz hogai. Per agar hum yehi namaz, chahay 1-2 he, KHUDA ko panay kay liye perhain, araam say aur sakoon say aur apni tawaja namaz mein he rekhnay ki koshish karain, like duniya ki fiqaroon say dour, spirituality hasil kerne kay liye tou yeh Khuda kay ziyada qareeb nahi laye ga? Basically, yeh saab cheezein es soch kay saath kyun nahi ki jaatein kay "Yeh Meray Khuda Ka Hukm Hai, Aur Mujhey Yeh Kerna He Hai". I mean sirf janat aur dozaq he kyun, Khuda ko pana kyun nahi? Aisa kyun hum khudko aur dosaroon ko nahi kehtay kay ye saab Uska hukum hai, yeh saab zariye hain Usko panay kay, Usko raazi rekhnay kay. Aur phir jab Woh raazi rahay ga tou janat tou automatically ahi jaye gi na. Haina? Jaisay aksar loog tanhai mein Khuda say baatein kertay hain, unko yakeen hota hai kay Woh unhein sun raha hai. And I believe yehi YAKEEN unka dil halka ker dayta hai. Tou khuda per aisa yakeen hona chahiye, Ushi nay tou hamein banaya hai aur Jitni mohabbat woh humse kerta hai koi bhi nahi kerta tou phir bharosa bhi hona chahiye na kay woh maaf bhi karay ga aur hamein seedha bhi karay ga. I hope mein ne sahi say apni soch paish ker di hai. :con Aisay topics per zara bolnay ki adaat hai, tou ek thought paish kertay waqt lamba lamba bool jaati hoon, so please bear. :blush:

Criticism is welcomed.

[B][COLOR="DarkGreen"][COLOR="Olive"][U][SIZE="4"]@LI sis: [/SIZE][/U]

[/COLOR]Please do share your opinion on above discussions... So that our info enhances... We can predict from your posts that your knowledge related to such topics and islam is excellent...

Please do share your thoughts in English because facing very difficulty while reading urdu... :)

[/COLOR][/B]

[QUOTE=Princess Royal;389532]@ARAIN



Aap ki es baat say mujhey kuch yaad aya. Ek recent soch hai jo mein share kerne ja rahi hoon aur aap saab kay comments chahti hoon us per.

Hum sirf "janat" aur "dozaq" ki hadh tak he kyun sochtay hain? Kyun har cheez hum dozaq say bachnay aur janat ko hasil kerne kay liye kertay hain? Kyun hum apne aur dosaroon kay dil mein Allah ka DAR paida ker daytay hain. Dar zaroori hai per i believe sirf us hadh tak kay Woh jo chahay aur jab chahay ker sakhta hai, uski zaat say barha koi nahi, insaan ko kabhi baray bool nahi bolnay chahiein aur Khuda ka "dar" rehna chahiye. Aur us hadh tak bhi kay jahan insaan ko frequently HAQEEQAT yaad dilai jaye. But har waqt ka dar nahi, aisa "dar" nahi kay "haye mein ne itna bura kaam ker diya ab pata nahi Woh mujhey maaf bhi karay ga yaan nahi". Es dar kay bajaye us per bharosa kyun nahi ke woh maaf kerna waala hai? Bus har waqt ek "dar" laga rehta hai kay mujhey aglay jahan azaab jhailna na par jaye. Yeh tou aisay lagta hai kay jaisay "conditionally" saab kiya ja raha hai, like namazein perni hain cuz uski maafi nahi, rozay rekhnay hain cuz unki bhi maafi nahi, and the likes. Shayad yeh "dar" ek terhan say theek bhi ho kay atleast loog buray kamoon say tou bachay rehtay hain. Per shayad yeh insaan ko "DIVINE" level tak nahi pohanchnay dayta. Wohi namaz ki eg doun gi, KYUN KE (condition) namaz ki maafi nahi tou perhni hai....woh alag baat hai kay kaisay perhi ja rahi hai like taizi, fata fat sajday maaray aur namaz hogai. Per agar hum yehi namaz, chahay 1-2 he, KHUDA ko panay kay liye perhain, araam say aur sakoon say aur apni tawaja namaz mein he rekhnay ki koshish karain, like duniya ki fiqaroon say dour, spirituality hasil kerne kay liye tou yeh Khuda kay ziyada qareeb nahi laye ga? Basically, yeh saab cheezein es soch kay saath kyun nahi ki jaatein kay "Yeh Meray Khuda Ka Hukm Hai, Aur Mujhey Yeh Kerna He Hai". I mean sirf janat aur dozaq he kyun, Khuda ko pana kyun nahi? Aisa kyun hum khudko aur dosaroon ko nahi kehtay kay ye saab Uska hukum hai, yeh saab zariye hain Usko panay kay, Usko raazi rekhnay kay. Aur phir jab Woh raazi rahay ga tou janat tou automatically ahi jaye gi na. Haina? Jaisay aksar loog tanhai mein Khuda say baatein kertay hain, unko yakeen hota hai kay Woh unhein sun raha hai. And I believe yehi YAKEEN unka dil halka ker dayta hai. Tou khuda per aisa yakeen hona chahiye, Ushi nay tou hamein banaya hai aur Jitni mohabbat woh humse kerta hai koi bhi nahi kerta tou phir bharosa bhi hona chahiye na kay woh maaf bhi karay ga aur hamein seedha bhi karay ga. I hope mein ne sahi say apni soch paish ker di hai. :con Aisay topics per zara bolnay ki adaat hai, tou ek thought paish kertay waqt lamba lamba bool jaati hoon, so please bear. :blush:

Criticism is welcomed.[/QUOTE]

RUB ko RUB mananey ka taqaza hai k us sa dara jaey aur dar kar us k hukm ki baja awari ki jaey..ye beshak aik nihayat hee umda amal hai

lakin is ma bhi koi shak nahee k us ki muhabat ma kee janey wali ibadat us k dar ma kee janey wali ibadat sa afzal hai..(asli haqeeqat ka ilm ALLAH PAK ki zaat ko hee hai)


Insaan ko apney gunnah par sharminda zaroor hona chahiye lakin agar apney gunnahon ko zaroorat sa ziada apney sir par sawar kar liya jaey to ye in itself ALLAH par kamzoor imaan ki nishani hai kiu aik mazboot imaan wala shakhs apney RUB ki rehmat sa kabhi naumeed nahee hota kiu k wo janta hai k agar ALLAH QAHAR hai to wo RAHAMAN O RAHEEEM bhi hai.

infact meray mutabiq wo 2 bunyadi cheezain jis ki waja sa insaan ashraful makhlooqat bana aur farishton par bhi foqiat la geya un ma aik to ilm hai(jesa k hum sab jantay hain) aur dosri cheez wo burai ka maada hai jo k farishton ma nahee paya jat balkay farishton ma sirf khair ka ansar rakha geya hai.ab sawal ye paida hota hai k burai ka mada kis tarah aik insaan ki fazeelat ka sabab ban sakta hai to is ka jawab ye hai k ye burai ka maada nahee balkey is burai k maada ki waja sa kiye janey wala gunnah aur phir us gunnah par kiye jani wali tobah aur bahaey janey waley ansoo is qadar muqadam hotey hain k wo kai naikion sa bhi ziada afzal hotey hain.aur insaan ko apni miraj bhi inhee ansoon ko baha kar hasil karta hai kiu k tab wo apney andar paey janey waley burai k ansar ko fatah kar leta hai aur khair ko shir par fatah hasil hoti hai.(insaan k bas ma kuch nahee aur hum apney har amal k liye ALLAH PAK k mohtaj hain)

"AUR" ki hawas hamarey andar chand bunyadi anasir ki ziadati ki waja sa paida hota hain jin ma bughz,jalan,hasad,keena parwari,chugli,jhoot,bohtan,mufad parasti,gharoor,duniya parasti,na-insaafi,darinda sifti aur sab sa barh kar kamzoor imaan waghera waghera shamil hain agar insaan in haslatoon sa nijaat hasil kar la to AUR ki hawas par qaboo paya ja sakta hai kiu k ye sab haslatain nafs par hawi ho jatin hain aur isay behkati hain.

in haslatoon sa bachnay ka bohat sa treeqay ho saktay hain par jo way ma na apney liye ikhtiyar kiya hai wo ye hai k duniya k har mamlay sa nabard azma hotey waqt apney qabar ko apni nigahon k samney rakha jaey aur phir kisi bhi amar k mutaliq faisla kiya jaey.

ALLAH sa muhabat karney ki bajaey US ki muhabat ka haq ada karna chahiye.ye mera andaaz hai aur meray pas esa karney ki waja hai.lakin insaan ALLAH sa muhabat kiye bina reh bhi nahee sakta.

Ap na aik jaga kaha k ye sab tareeqay hain ALLAH ko paney k.ma to kehta hon k ALLAH to ap k intizar ma rehta hai par ma aur ap US ki hamain paney ki khuwahish ka ehtaram hee nahee kartey.baghi aur sar kash aur maghroor hain.

jab namaz ma sakoon hasil hoo to namaz AALAH k liye nahee to janaat aur dozakh k liye.in fact aj kal to namaz sirf kisi pareshani ko door karney k liye ya phir hajat rawai k liye parhi jati hai.ab to jannat aur dozakh ki parwah nahee hai hamain.

[QUOTE=Princess Royal;389532]@ARAIN
yeh saab cheezein es soch kay saath kyun nahi ki jaatein kay "Yeh Meray Khuda Ka Hukm Hai, Aur Mujhey Yeh Kerna He Hai". I mean sirf janat aur dozaq he kyun, Khuda ko pana kyun nahi?

[/QUOTE]

You are right k hmain Jannat aur Dozakh ki khawahish sy ziada Allah ki Raza aur us k Qurb ki Umeed rakhni chahiay hy.

Lekin meray khayal main hmain Namaz is liay nhi parhni chahiay k Allah ny hukam dya hy. Agr hm Namaz is liay parhain gy k Allah ka hukam hy, tu phir hmaray dil main ye baat b ay gi k hm ny apnay Maalik ka hukam mana hy ab Wo hmain is ka silla b dy. Blkay is liay k Allah hy hi itni buland azmat-o-shaan wala k us ki ibadat ki jaey. Allah is puri Kainaat ka Maalik hy. Hm us ki ibadat kr k hi bndagi ka kuch haq adda kr sktay hein. Is trah hm apnay Allah ko razi krnay ki kosish bhi kr skaty hein. Bndagi tu yehi hy k hm Allah sy apni Ibadat k sillay main kisi Inaam ki Tamanna na krain. Wo hmara Maalik hy wo chahay hmain Dozakh main bhejay ya phir Jannat main janay ki ijazat dy.

Hazart Rabia Basri (R.A.) ka waqia tu sb ko pata ho ga k ap aik dafa aik hath main pani aur dosray hath main aag ly kr ja rhi theen. kisi ny waja pochi tu ap ny farmaya k main is pani sy dozakh ki aag bojhanay ja rhi hn, ta-k log us k khoof sy Allah ki ibadat na krain. Aur is Aag sy main jannat ko jalla daloon gi, ta-k log Jannat ki umeed main Allah ki bndagi na kya krain.

Kehnay ka matlab ye hy k jb hm Allah ki ibadat is liay krain gy k wo hy hi Ibadat k laiq, aur hm Allah ki raza pr razi rehna seekh lein gy, tu phir is trah Hmain Allah ka qurb atta ho ga.

Jahan tk baat Allah ki raza pr razi rehnay ki hy, k museebat pr sabar aur Khushi pr Allah ka shukar adda kya jaey, phir tu insaan wallayat k rutbay pr faaiz ho jata hy. Ye kaam itna mushkil bhi nhi hy. Bs thori si mehnat sy apnay Nafs ko apnay qabo mein krna ho ga. Phir Insaan bs Allah k qurab ki hi khawahish kry ga. Aur jis shakhs ko Allah ka qurb naseeb ho jaey tu phir us ki Dunya aur Aakhrat dono sanwar jaen gi.

[B][COLOR="DarkGreen"]@ mjkhan & arain007
[/COLOR][/B]
Thanks a lot for your post. They have, in fact, given my own thought a better shape and makes me believe more strongly in it as now i know it's true.

Filhal, mazeed tou meray paas at least kuch kehnay ko hai nahi Inshallah hazir hongi kabhi ek naye topic kay saath. Agar kisi aur kay paas kuch hai es topic say related tou please zaroor share kijiye.

Shukria !

Ah! Ek aham baat, umeed kerti hoon hum saab en batoon ko es forum ki hadh tak he nahi rekhein gay balkay apni zaati zindagi mein shamil kernay ki koshish karein gay aur apnay ird gird logoon say bhi share karein gay.

Lets be true Ambassadors of Islam. :)

After reading your topic...
this quote comes in mind..

"Lazzaton ko torney wali shay "maut" ko kasrat sey yaad"

haqeeqatan insan "maut" ko bholey huey hain..!!agar ham yeh soch lein next is death..!!sab kuch apni jaga per ho..per duniya itni rangeen (dar hakeekat yeh unkay liye hay jo mera zaati khayal hay kay kafiron kay liye tu akhrat mein kuch nhi hoga tu ALLAH ney unhey duniya mein apni qudrat dekhai ya shaan..kyunkay ALLAH bhut insaf wala hay..yeh mera nazariya hay)...

ALLAH TA'ALLAH ney jab duniya banai tu maqsad kay sath banai or ham ney isi duniya ko apna maqsad banalya..jab kay duniya akhrat ki kheeti hay..!!

thing is this...ham apni maut ko bhool gaye, ham bhool gaye qayamat zaror ayegi, roz-e-jaza zaror hoga...yeh sab baatein zara pur sukoon andaz mein sochi jayein ya aisi jaga jaya jaye jahan yeh zikr hoon tu insan ko apni "haqeeqat" maloom hojaye..!!
beshak her zee nafs ko maut ka maza chakhna..!!
quoting here ayat of surah al mominoon..!!

[SIZE="4"](یہ لوگ اسی طرح غفلت میں رہیں گے) یہاں تک کہ جب ان میں سے کسی کے پاس موت آجائے گی تو کہے گا کہ اے پروردگار! مجھے پھر (دنیا میں) واپس بھیج دے (99) تاکہ میں اس میں جسے چھوڑ آیا ہوں نیک کام کیا کروں۔ ہرگز نہیں۔ یہ ایک ایسی بات ہے کہ وہ اسے زبان سے کہہ رہا ہوگا (اور اس کے ساتھ عمل نہیں ہوگا) اور اس کے پیچھے برزخ ہے (جہاں وہ) اس دن تک کہ (دوبارہ) اٹھائے جائیں گے، (رہیں گے) (100) پھر جب صور پھونکا جائے گا تو نہ تو ان میں قرابتیں ہوں گی اور نہ ایک دوسرے کو پوچھیں گے (101) تو جن کے (عملوں کے) بوجھ بھاری ہوں گے۔ وہ فلاح پانے والے ہیں (102) اور جن کے بوجھ ہلکے ہوں گے وہ لوگ ہیں جنہوں نے اپنے تئیں خسارے میں ڈالا، ہمیشہ دوزخ میں رہیں گے (103) آگ ان کے مونہوں کو جھلس دے گی اور وہ اس میں تیوری چڑھائے ہوں گے (104)کیا تم کو میری آیتیں پڑھ کر نہیں سنائی جاتیں تھیں (نہیں) تم ان کو سنتے تھے (اور) جھٹلاتے تھے (105) اے ہمارے پروردگار! ہم پر ہماری کم بختی غالب ہوگئی اور ہم رستے سے بھٹک گئے (106) اے پروردگار! ہم کو اس میں سے نکال دے، اگر ہم پھر (ایسے کام) کریں تو ظالم ہوں گے (107) (خدا) فرمائے گا کہ اسی میں ذلت کے ساتھ پڑے رہو اور مجھ سے بات نہ کرو (108) میرے بندوں میں ایک گروہ تھا جو دعا کیا کرتا تھا کہ اے ہمارے پروردگار ہم ایمان لائے تو تُو ہم کو بخش دے اور ہم پر رحم کر اور تو سب سے بہتر رحم کرنے والا ہے (109) تو تم ان سے تمسخر کرتے رہے یہاں تک کہ ان کے پیچھے میری یاد بھی بھول گئے اور تم (ہمیشہ) ان سے ہنسی کیا کرتے تھے (110) آج میں نے اُن کو اُن کے صبر کا بدلہ دیا، کہ وہ کامیاب ہوگئے (111) (خدا) پوچھے گا کہ تم زمین میں کتنے برس رہے؟ (112) وہ کہیں گے کہ ہم ایک روز یا ایک روز سے بھی کم رہے تھے، شمار کرنے والوں سے پوچھ لیجیئے (113) (خدا) فرمائے گا کہ (وہاں) تم (بہت ہی) کم رہے۔ کاش تم جانتے ہوتے (114) کیا تم یہ خیال کرتے ہو کہ ہم نے تم کو بےفائدہ پیدا کیا ہے اور یہ تم ہماری طرف لوٹ کر نہیں آؤ گے؟ (115) تو خدا جو سچا بادشاہ ہے (اس کی شان) اس سے اونچی ہے، اس کے سوا کوئی معبود نہیں، وہی عرش بزرگ کا مالک ہے (116) اور جو شخص خدا کے ساتھ اور معبود کو پکارتا ہے جس کی اس کے پاس کچھ بھی سند نہیں تو اس کا حساب خدا ہی کے ہاں ہوگا۔ کچھ شک نہیں کہ کافر رستگاری نہیں پائیں گے (117) اور خدا سے دعا کرو کہ میرے پروردگار مجھے بخش دے اور (مجھ پر) رحم کر اور تو سب سے بہتر رحم کرنے والا ہے (118)
[/SIZE]
ALLAH TA'ALLAH hamain seerat-e-mustaqeem per chalaye ameen..!!