شہر وہ فاطمہ کا ہے وہ تربت فاطمہ کی ہے

[alphabravo]

منقبت بی بی فاطمہ زھرا (ص ) کی تاریخ ولادت پر

سید اقبال رضوی شارب



یہ کوثر فاطمہ کا ہے یہ جنّت فاطمہ کی ہے

جو سچ پوچھو تو عالم پر حکومت فاطمہ کی ہے

　

انھیں کے بیٹے ہیں سردار جنّت کے جوانوں کے

کفو ہے ساقی کوثر یہ عظمت فاطمہ کی ہے

　

قرآں شاہد ہے جس کی عزت و تطہیر و عصمت کا

وہ مدحت فاطمہ کی ہے فضیلت فاطمہ کی ہے

　

نگاہ رب میں جو ہم سب کے ایمانوں کا جز ٹھہرے

وہ قربت آل زہرا کی مودّت فاطمہ کی ہے

　
حدیث کِذب کو قرآن کے میزاں پہ جب تولا

زبان خلق یہ بولی عدالت فاطمہ کی ہے



شریک کار مرسل اور ماں گیارہ اماموں کی

تو یوں سمجھو نبوّت اور امامت فاطمہ کی ہے



نہیں کرسکتے گریہ کھل کے مومن جس جگہ شارب

شہر وہ فاطمہ کا ہے وہ تربت فاطمہ کی ہے