yuun hai ke tujhe bhool ke dekhein gey kisi din

[Wounded Healer]

Khud apne liye baith ke sochein gey kisi din
yuun hai ke tujhe bhool ke dekhein gey kisi din

Bhatkey huwe phirtay hain kaee lafz jo dil mein
Duniya ne diya wakt toh likhein gey kisi din

Hil jaayein gey ek baar toh arrshoon ke dar-o-baam
Yeh khaak nasheen laug jo bolein gey kisi din

Aapas ki kisi baat ka milta hi nahee waqt
Har baar yeh kehtay hain ke baithein gey kisi din

Aye jaan teri yaad ke benaam parinday
Shaakhon pe mere dard ki utrein gey kisi din

Jaati hai kisi jheel ki ghehrai kahaan tak
Ankhoon mein teri doob ke dekhein gey kisi din

Khushboo se bhari shaam mein jugnuu ke qalam se
Ek nazm tere wastay likhein gey kisi din

Soyein gey teri aankh ki khilwat mein kisi raat
Saaye mein teri zulf ke jaagein gey kisi din

Khushboo ki tarhaan asl-e-saba khaak numaa se
Galiiyoon se tere shehar ki guzrein gey kisi din

'Amjad' hai yeh hii ab ke kafan baandh ke sar se
os shehar-e-sitamgar mein jaayein gey kisi din

[Rehana kousar]

jo utar ke ziinaa-e-shaam se terii chashm-e-Khush me.n samaa gaye
vahii jalate bujhate se mahar-o-maah mere baam-o-dar ko sajaa gaye

ye ajiib khel hai ishq kaa mai.n ne aap dekhaa ye mojezaa
vo jo lafz mere gumaa.N me.n the vo terii zubaa.N par aa gaye

vo jo giit tum ne sunaa nahii.n merii umr bhar kaa riyaaz thaa
mere dard kii thii daastaa.N jise tum ha.Nsii me.n u.Daa gaye

vo charaaG-e-jaa.N kabhii jis kii lau na kisii havaa se niguu.N hu_ii
terii bevafaa_ii ke vaasavaa use chupake chupake bujhaa gaye

vo thaa chaa.Nd shaam-e-visaal kaa ke thaa ruup tere jamaal kaa
merii ruuh se merii aa.Nkh tak kisii raushanii me.n nahaa gaye

ye jo bandagaan-e-niyaaz hai ye tamaam hai vo lash_karii
jinhe.n zindagii ne aman na dii to tere huzuur me.n aa gaye

terii beruKhii ke dayaar me.n mai.n havaa ke saath havaa huaa
tere aa_iine kii talaash me.n mere Khvaab cheharaa ga.Nvaa gaye

tere vaasavaao.n ke fishar me.n teraa sharar-e-rang uja.D gayaa
merii Khvaahisho.n ke Gubaar me.n mere maah-o-saal-e-vafaa gaye

vo ajiib phuul se lafz the tere ho.nTh jin se mahak uThe
mere dasht-e-Khvaab me.n duur tak ko_ii baaG jaise lagaa gaye

merii umr se na simaT sake mere dil me.n itane savaal the
tere paas jitane javaab the terii ik nigaah me.n aa gaye

Amjad Islam Amjad