Dil mai ek lehar sii uthi hai abhi

[Muskan Ghuman]

Dil mai ek lehar sii uthi hai abhi
Koi taaza havaa chali hai abhi

Shor barpa hai khaana-e-dil mai
Koi diivaar sii giri hai abhi

kuch to naazuk mizaaj hain ham bhi
Aur yai chot bhii naie hai abhi

Bharii duniya mai jee nahin lagta
Jaaney kis cheez kii kamii hai abhi

Tuu shareek-e-sukhan nahin hai to kyia
Ham-sukhan terii khamashi hai abhi

Yaad kai bai-nishaN jazeero.n sai
Terii aavaz aa rahi hai abhi

Shehar ke bai-charagh galiyo.n mai
Zindagi tujh ko dhundhati hai abhi

So gaye loag uss havelee kai
Aik khirakii magar khuli hai abhi

Tum to yaaro abhi sai uth baithey
Shehar mai raat jaagati hai abhi

Waqt achaa bhi aaye gaa 'Nasir'
Gham na kar zindagi parii hai abhi

[Rehana kousar]

tere milane ko bekal ho gaye hai.n

tere milane ko bekal ho gaye hai.n
magar ye log paagal ho gaye hai.n

bahaare.n leke aaye the jahaa.N tum
vo ghar sun_saan jangal ho gaye hai.n

yahaa.N tak ba.Dh gaye aalaam-e-hastii
ki dil ke hausale shal ho gaye hai.n

kahaa.N tak taab laaye naatavaa.N dil
ki sadame ab musal_sal ho gaye hai.n

nigaah-e-yaas ko niind aa rahii hai
musardaa pur_ashk bojhal ho gaye hai.n

unhe.n sadiyo.n na bhuulegaa zamaanaa
yahaa.N jo haadase kal ho gaye hai.n

jinhe.n ham dekh kar jiite the 'Nasir'
vo log aa.Nkho.n se ojhal ho gaye hai.n