بڑھی جو عمر تو کچھ اور سادگی آئی

[alphabravo]

Salam e Masnoon,
Ek tazah ghazal ahbab k liye..

غزل
[ سید اقبال رضوی شارب]

جہاں سے کوچ کی جس وقت کہ گھڑی آئی
اجل کی شکل مىں تب میری زندگی آئی

تلاش کرتے ہوئے جب مجھے خوشی آئی
ہوا یہ وہم گناہوں میں کچھ کمی آئی

وہ میٹھا لہجہ کہ لفظوں میں شیرنی آئی
وہ چپ ہوا تو سماعت میں تشنگی آئی

جو اسنے دیکھا تبسّم بھری نظر سے مجھے
وہ میکشی تھی کہ کچھ دم کو خسروی آئی

یہ نوک جھونک عناصر ہیں خوشگواری کے
اسی کا لطف ہے جو گھر میں آشتی آئی

ہے کوئی بات جو برگشتہ سے ہیں میرے حبیب
مجھے خبر تو ہو کیوں کر یہ بے رخی آئی

کچھ ایسے پختہ اندھیروں کے گھر ہیں دنیا میں
کہ دن میں دھوپ نہ راتوں میں چاندنی آئی

جو انکا رخ ہوا میرے قیام کی جانب
یقین جانیں خرابے میں زندگی آئی

ہمارے سچ سے بھرے لفظ خاردار لگے
جو بولا جھوٹ تو باتوں میں چاشنی آئی

کبھی بھی تم نے دکھاوا نہیں کیا شارب
بڑھی جو عمر تو کچھ اور سادگی آئی