Khamoshi Rang Hoi Jaati Hai Dheere Dheere

[Princess Royal]

.

خاموشی رنگ ہوئی جاتی ہے دھیرے دھیرے
ایک تصویر بنی جاتی ہے دھیرے دھیرے

وقت کے سیل میں یہ خواب سی بہتی ساعت
خود ہی تعبیر ہوئی جاتی ہے دھیرے دھیرے

زندگی تجھ کو کوئی کیسے کرے تیز قدم
بادئہِ تلخ تو پی جاتی ہے دھیرے دھیرے

پوچھ مت کیسے سنبھلی ہے بدن کی دیوار
ریت گرتی ہی چلی جاتی ہے دھیرے دھیرے

زندگی کی جو بنائی تھی خیالی تصویر
اس پہ اب گرد جمی جاتی ہے دھیرے دھیرے

وہ جو اک خواہشِ خوش بستہ تھی اپنے جی میں
برف کی طرح گھلی جاتی ہے دھیرے دھیرے

تم نے اقرارِ محبت کو زباں کھولی ہے
اور یہاں سانس رکی جاتی ہے دھیرے دھیرے

.