Chahat Ka Safar!

[Rejuvenated]

main nay iss tor say chaha tujhay aksar jana
jaisay mehtab ko bayant samandar chahay

jaisay soraj ki kiran seep k dil main utray
jaisay khushbu ko hawa rang say hat kar chahay

jaisay pathar k kalaijay say kiran phootti hai
jaisay gunchay kilay mosam say hina mangtay hain

jaisay khawabon main khiyallon ki kama totti hai
jaisay barish ki dua abla pa mangtay hain

mera her khawab meray sach ki gawahi day ga
wosat-e-deed nay tujh say teri khawahish ki hai

meri sochon mian kabhi daikh sarapa apna
main nay dunya say alag teri parastish ki hai

khawahish-e-deed ka mosam kabhi dhundla jo howa
noch dali hain zamanon ki nakabain main nay

teri palkon pay utarti howi subhon k liye
tor dali hain sitaron ki tanabain main nay

main nay chaha k teray hussan ki gulnar fiza
meri gazlon ki kitaron say mahakti jaye

tay to ye tha k sajata rahay lafzon k kanwal
meray khamosh khiyalon main takalum tera

raks kerta rahay, bharta rahay,khushbu ka khumar
meri khawahish k jaziron main tabasum tera

tu magar ajnabi mahol ki perwarda kiran
meri bojti howi raaton ko sehar kar na saki

teri sansoon main meesai thi, lakin tu bhee
chara-e-zakham-e-gum-e-deeda ter ho na saki

tujh ko ahsaas hi kab hai k kisi dard ka daag
ankh say dil main utar jaye tu kiya hota hai?

tu k seemab tabiyat hai, tujhay kiya maloom
mosam-e-hijar thehar jaye tu kiya hota hai

tu nay us mor pay tora hai talok k jahan
daikh sakta nahi koi bhee palat kar jana

abb ye alam hai k ankhain jo khulain gi apni
yaad aye ga teri deed ka manzar jana

mujh say mangay ga teray ehday muhabbat ka hisab
teray hijran ka daihakta howa mehshar jana

yon meray dil k barabar tera gum aya hai
jaisay sheeshay k mukabil koi pathar jana!