woh jo rahta ha meri zaat k aaieene mein

[alphabravo]

سید اقبال رضوی شارب

مت خدا ڈھونڈ سوالات کے آئینے میں
اسکو پہچان عنایات کے آئینے میں

کچھ رقم ہے مری قسمت بھی ترے ہاتھوں میں
سب کہاں درج مرے ہاتھ کے آئینے میں

مائل_ حق بھی ہے عاصی بھی انا والا بھی
وہ جو رہتا ہے میری ذات کے آئینے میں

جنگ جاری ہے میری نفس_ اما رہ سے ہنوز
جب سے دیکھا تجھے برسات کے آئینے میں

قلب جب تک نہ منوّر ہو یقین کل سے
وسوسے پالے ہے شبہات کے آئینے میں

رشتے بے لوث فضا میں جو جنم لیتے ہیں
وہ نہیں ٹوٹتے حالات کے آئینے میں

قرب_ شبّیر ہے کیا رے کی حکومت کیا ہے
حر نے سب دیکھ لیا رات کے آئینے میں

غیر بھی سونگھ لیا کرتے ہیں اکثر شارب
حبب _ سرور تیری ہر بات کے آئینے میں