Noor Jahan k Mazar Per...

[unsolved_Mystery]

Noor Jahan k Mazar Per.

Pehlu-e-Shah mein ye dukhtar-e- Jamhoor ki Qabr,
Kitnay gum’gushta fasano ka pata deti hay,
Kitnay khun’raiz haqaiq se uthati hay naqab,
Kitni kuchli huyi janon ka pata deti hay,

Kese maghroor shehanshahon ki taskeen k lye,
Saal’ha’saal hasinaaon k bazaar lagay,
Kese behki huyi nazron k ta’eesh k liye,
Surkh mahlon, jawan jimson k ambar lagay,

Kese har shakh se mun’band mehakti kalian,
Noch li jati thin taz’een-e-haram ki khatir,
Aur murjha k bhi azaad na ho sakti thin,
“Zill-e-Subhani” ki ulfat k bharam ki khatir,

Kese ik fard k honton ki zara si jumbish,
Sard ko sakti thi be’lous wafao k charagh,
Loot sakti thi damaktay huye hathon ka suhag,
Tor sakti thi may ishq se labrez ayyagh,

Sehmi sehmi si fazaon mein ye weeran marqad,
Itna khamosh hay, faryad kana ho jese,
Sard shakhon mein hawa cheekh rahi hay aisay,
Rooh-e-taqaddus-o-wafa marsiya’khawan ho jese,

Tu Meri Jaan! Mujhe hairat-o-Hasrat se na Dekh,
Ham mein koi bhi Jahan Noor o Jahangir nahi,
Tu mujhe chhor k, thukra k jab hi sakti hay,
Tere hathon mein mere hath hain, Zanjeer nahi.