From my collection

[born-authentic]

mai.n bhuul jaauu.N ab yahii munaasib hai
magar bhuulanaa bhii chaahuu.N to kis tarah bhuuluu.N
ki tum to phir bhii haqiiqat ho ko_ii Khvaab nahii.n
yahaa.N to dil kaa ye aalam hai kyaa kahuu.N
kamabaKht
bhulaa sakaa na ye silasilaa jo thaa hii nahii.n
vo ik Khayaal
jo aavaaz tak gayaa hii nahii.n
vo ek baat
jo mai.n kah nahii.n sakaa tum se
vo ek rabt
vo ham me.n kabhii rahaa hii nahii.n
mujhe hai yaad vo sab
jo kabhii huaa hii nahii.n
agar ye haal hai dil kaa to ko_ii samajhaa_e
tumhe.n bhulaanaa bhii chaahuu.N to kis tarah bhuuluu.N
ki tum to phir bhii haqiiqat ho ko_ii Khvaab nahii.n

HOWZ IT ???