Maachis Luckhnavi....a very good poet of Tanzo Mizah

[alphabravo]

Salam

Mirza Mohammad Iqbal "Maachis Luckhnavi" is known as Shahansha-e Zarafat of his times and he was born in 1922 and died 1970.

He has many quotable ashaars.....

A few sher from one of his writings:

Junoon-e ishq bhala intekhaab kya jaane
nazar shabab kee achcha kharaab kya jaane


kahan zabaan hamaaree ,kahan zabaan-e raqueeb
Jo shahad mein hai lataafat, woh RAAB kya jaane

naqaab phaar ke pahunchegee unke cheh-re tak
Rukaawatein nigah-e kamyaab kya jaane

yahee samajh ke bas ab bakhsh de Kareem mere
padha likhaa hee nahin hai, hisaab kya jaane

Jo ustare se taaluq pe naaz kartee ho
woh reeshe ghair muhazzab khezaab kya jaane

mile sukoon jalaane mein jis ko ai Machis
woh dil jalon ka bhala izterab kya jaane.
wassalam

[alphabravo]

Salam ,
Ek aur takhleeq dekhiye

Waiz kee meri jaanch huee hashr mein to maien
Niklaa gunaah unse bahot kam liye huae

Karta na jurme aqd jo maien janta yeh raaz
Jannat ghusegee ghar mein jahannam liye huae

kis tarha kuoo-e yaar mein jaoon maein ham nasheen
darbaan daud padta hai ballam liye huae

samjha saka na mujhko kabhee naasah-e ghareeb
duniya se chal basa woh yahee gham liye huae

jis din kaho zamaane ka huliya bigad dey
Maachis ka ek naala hai sau bum liye huae

wassalam