|
Share Thread: Facebook Twitter Google+ |
|
LinkBack | Thread Tools | Search this Thread |
#1
|
||||
|
||||
Meray Sahir Se Keh Dena
Agar sehra se guzro to mere sahir se keh dena
Tumhari besabab doori mujhe aksar rulati hai !! Mery Sahir Se Keh Dena Musafir Aaj Tak Chup Hay Keh Uss k Haath Mein Tum Ne Jo Apna Haath Rakha Tha Woh Ab Tak Yaad Karta Hay Mery Sahir Se Keh Dena Keh Sadiyon Ki Musafat Ne Meray Peron Se Baandhi Hay Thakan Ab kay Baras Itni Keh Apni Doobti Nabzon Se Main Khayef Sa Rehta Hoon Na Janay Kab Kahan Pe Umer Ki Yeh Dor Kat Jaye Main Apnay Aur Tumhary Beech kay In Faaslon Ko Chand Saanson Ki Kami Se Haar Na Jaon Bisat e Jaan Par Phaili Dooriyon kay Bojh Ko Le Kar Yunhi Mar Na Jaon Mery Sahir Se Keh Dena Keh Uss kay Ishq kay Tilsam Se Ab Tak Vo Nahi Niklay Keh Jin Ko Us Ki Aankhon Ne Faqat Ik Baar Dekha Tha Mery Sahir Se Keh Dena Keh Saray shehar Ko Meray Yunhi Patthar Na Rehnay De Mery Tilsam Kadon Mein Laut Kar Aaye Keh Vo Patthar Tarastay Hain Tumhari Chashm Ki Jumbish Unhein Ik Bar Phir Kar De Kisi Zee Rooh Ki Manind Meray Sahir Se Keh Dena Bichar Kar Tum Jo Miltay Thay To Yun Mehsoos Hota Tha Keh Jaisay Marg kay Dhundley Kinaroon Tak Pahunchaty Hi Adhoora Kaam Koi Zindagi Ko Yaad Aa Jaye Kaho Phir Se Chala Aaye Keh Uss kay Laut Aany Se Hamari Doobti Nabzon Ko Phir Se Saans Aa Jaye Agar Sehra Se Guzro To Meray sahir Se Keh Dena Agar Jungle Se Guzro To Meray Jugnoo Se Keh Dena Tumhari Be Sabab Doori Mujhay Aksar Rulati Hay Meri Shaamein Andheri Hain Meri Raatein bhi Teera Hain Meray Sab Taaq Khali Hain Meri Aankhein Sawali Hain Meray Jugnoo Se Keh Dena Muhabbat Aaj Tak Chup Hay Keh Is kay Haath Mein Us Ne Jo Dehka Daagh Rakha Tha Woh Ab Tak Baat Karta Hay Meray Jugnoo Se Keh Dena Meray Jazbon Ne Rahon Mein Moharein Rok Rakhi Hain Inhein Azn e Safar De Do Inhein Dil Se Guzarnay Do Meray Jugnoo Se Keh Dena Meri Aankhon Ko Qum Keh Do Yeh Umron Se Yunhi BeJaan Hain Khuwabon kay Madfan Mein Inhein Phir Se Jila Day Do Meray Jugnoo Se Keh Dena Ghamon Ne Raag Chera Hay Aziyat Raqs Karti Hay Meri Tanhayi Ka Charcha Daroon e Zaat Phaila Hay Meray Jugnoo Se Keh Dena Faqat Us Ki Kami Ne Zindagi Mein Sog Rakha Hay Meray Jugnoo Se Keh Dena Kyun Jungle Mein Bhatakta Hay Kyun Khud Ko Rok Rakha Hay Tumhari Be Sabab Doori Mujhay Aksar Rulati Hay Agar Jungle Se Guzro To Meray Jugnoo Se Keh Dena Agar Sehra Se Guzro To Meray Sahir Se Keh Dena Meray Sahir Se Keh Dena...!!! |
The Following 5 Users Say Thank You to Last Island For This Useful Post: | ||
Aamish Bhatti (Tuesday, March 13, 2012), hafiz ishtiaq ahmad (Monday, March 12, 2012), Miss khoso (Monday, March 12, 2012), saira mughal (Tuesday, March 13, 2012), very special 1 (Monday, March 12, 2012) |
|
|
Similar Threads | ||||
Thread | Thread Starter | Forum | Replies | Last Post |
Meray humsafar abhi soach lay | Last Island | Urdu Poetry | 2 | Thursday, November 11, 2010 11:47 AM |
Meray Sahir teri aankhain yeh kesa dard rakhti hain | Last Island | Urdu Poetry | 2 | Thursday, July 08, 2010 04:13 PM |
mujhko tum maaf kar dena | Anarkali | Urdu Poetry | 0 | Sunday, September 09, 2007 12:03 AM |
Meray Khuwab Meray Sapnay Meray Tak Hain | Sureshlasi | Urdu Poetry | 0 | Saturday, September 01, 2007 03:55 AM |
Usay keh dena ! | Argus | Urdu Poetry | 0 | Tuesday, December 27, 2005 02:24 AM |