Maut ki Gerhi

[Farrukh Aziz]

Maut ki gerhi me jab sona hoga,
Na koi takiya na koi bichhona hoga.
Hum honge bas humari tanhaai hogi,
Aur kabristan ka ek chhota sa kona hoga.

Vahan kahin door tak na koi apna hoga,
Aur khuli aankho me na koi sapna hoga.
Jin yaadon ne lee thi saanse meri,
Unko bhi ab mujhe dekh tarapna hoga.

Koi gulab na rakhna kabar pe meri,
Nahi toh saath mere usey bhi rona hoga.
Dafanane me mujhe itni ret zaaya na karna,
Khuda ko har ek tukde ka hisaab dena hoga.

Unko na aane dena meri kabar pe,
Aaye voh toh, ek aansu ko girna hoga.
Zindgi toh mainey tanhaai me guzaar di,
Us aansu ki khatir maut ke baad bhi bhatakna hoga.


E khuda door se he sahi ek deedar ho jaaye,
Hum unme aur vo hum me kho jaaye.
Bin deedar ke kabar ki mitti gili he rahegi,
Aur us kabar me ek ruh ko humesha rona hoga.