#1
|
||||
|
||||
کفن چور
" کفن چور "۔۔۔۔۔۔۔۔۔۔ایک ایسی نظم۔۔۔۔۔جسے پڑھتے ھوئے لفظ دھندلانے سے لگے۔۔۔۔۔۔۔خود پر اختیار نہ رھا۔۔۔۔اور آنسورواں ھو گئے۔۔۔۔۔۔۔۔۔۔۔
" کفن چور " " کچھ نہیں گھر میں مرے کچھ بھی نہیں کوئی کپڑا کہ حرارت کو بدن میں رکھتا لقمہ ء نان ِ جویں ، خون کو دھکا دیتا من کو گرماتا سکوں ، تن سے لپٹتا بستر کچھ نہیں، کچھ بھی نہیں، کچھ بھی نہیں ۔۔۔۔۔۔۔۔۔۔۔۔۔۔۔۔۔۔ رات کو جسم سے چپکاتی ھوئی سرد ھوا جسم کے بند مساموں میں اترتی ٹھنڈک سنگ ِمر مر سی ھوئی خون ترستی پوریں ھاتھ لرزاں تھے ، امیدوں نے مگر تھام لیا پاؤں چلتے ھی رھے شہر ِخموشاں کی طرف ۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پردہ ء خاک میں لپٹے ھوئے بے جان وجود باعث ِننگ ِ زمیں ھوں مگر اک بات بتا جسم مٹی ھو تو کپڑوں کی ضرورت کیا ھے? دیکھ پیوند ِ زمیں ! میرے تن ِ عریاں پر داغ ِ افلاس کا پیوند ! اجازت دے دے مر کے ، مرتے ھوئے انسان کو زندہ کر دے ایک ملبوس کمانے کی اجازت دے دے ورنہ بھوکی ھے بہت خاک ، کہاں دیکھے گی جسم کھا جائے گی ، پوشاک کہاں دیکھے گی " ( شہزاد نیر ) |
|
|