***Main apni khabar kahan say laaoon***

[nazia niazi]

Jeenay k huner kahan say laaoon
Wo koocha wo ghar kahan say laaoon
Jo teri nazar ko jhail paye
Main aisi nazar kahan say laaoon
Chehron k hujoom say chura kar
Main aik basher kahan say laaoon
Sajday to talash kar liye hain
Lakin tera dar kahan say laaoon
Kuch lafz hain meray paas lakin
Lehjay main asar kahan say laaoon
Jo aap ki qurbaton main guzray
Wo shaam-o-sehar kahan say laaoon
Ik roz mujhe yeh kaha dil nay
Main apni khabar kahan say laaoon
Jo sehal karay har aik manzil
Wo azm-e-safar kahan say laaoon
Sadd shukar hasan k neend ayee
Ik khuwab magar kahan say laaoon

[Hazeleyes]

Meray chehray sey tera haal ayaan hota hey
mujko khud pe Teray honay ka gumaan hota hey

aa k aankhon mein teri yaad thehar jaati hey
shaam hotay hi mujay hosh kahan hota hey

[Hazeleyes]

behkey behkey sey andaaz ebian hotay hein
aap hotay hein to hosh kahan hotay hein

yaad hey teri nigahon ka badalna muj ko
k aisay andaaz qayamat mein kahan hotay hein

aaj ghum hey tariq to kal khushi b ho gi
k phhol b khaar k pehluu mein jawan hotay hein