salaam -Aal-e Nabi

[alphabravo]

سلام
اثر ہے اسم کا جسمیں وہ نام آل نبی
خدا کی نظروں میں ہے یہ مقام آل نبی

فلک پہ وہ ہی دعا مستجاب ہوتی ہے
کہ قبل و بعد لیا جسمیں نام آل نبی

کسی وجہ سے جو آیت نہ کوئی واضح ہو
تو اسکے ضمن میں دیکھیں کلام آل نبی

جو دین راست ہے مرہون ہے وہ عترت کا
خدا کے دیں کا ہے اصلی نظام آل نبی

ہے فرق آساں صحابہ میں آل احمد میں
صحابہ کرتے ہیں خود احترام آل نبی

دبایا مٹھی میں پھر ٹھوکروں میں رکھ دی فرات
ستمگروں کو دیا یوں پیام آل نبی

جگر بتولوں کو میدان میں دیر سے بھیجا
کہ زیادہ دیر رہیں تشنہ کام آل نبی

میں سوچتا ہوں، وہ بدبخت کتنا ہے شارب
کہ جو سمجھ نہیں پایا مقام آل نبی

سید اقبال رضوی شارب

[alphabravo]

Revised Salam

سلام

اثر ہے اسم کا جسمیں ، ہیں نام آل نبی
اسی سے جانئیے کیا ہے مقام آل نبی

فلک پہ وہ ہی دعا مستجاب ہوتی ہے
کہ قبل و بعد ملیں جسمیں نام آل نبی

کسی وجہ سے جو آیت نہ کوئی واضح ہو
تو اسکے ضمن میں دیکھیں کلام آل نبی

جو دین راست ہے مرہون ہے وہ عترت کا
نظام دیں کا ہے اصلاً نظام آل نبی

ہے فرق آساں صحابہ میں آل احمد میں
صحابہ کرتے ہیں خود احترام آل نبی

اٹھایا چلّو میں پھر ٹھوکروں میں رکھ دی فرات
عطش کی فتح ہوئ یوں بنام آل نبی

میں سوچتا ہوں، وہ بدبخت کتنا ہے شارب
گھٹایا جس نے ذرا بھی مقام آل نبی

سید اقبال رضوی " شارب