mahak badosh, kharama, anees e jaan k liye
mahak badosh, kharama, anees e jaan k liye
saba chali hai, kisi yar e mehrabaan k liye....
mili hai sab ko sama'at teri azaan k liye
'jahan hai tere liye, tu nahin jahan k liye'*
ye faiz hai tere wade ka ae mere rahbar
k dar badar hoon hawa ki tarah amaan k liye
taweel umr ki sab mangte dua kyon hain
rah e hayat hai garche ik imtihaan k liye
jo ho sake to koi harf e motabir bhejo
azal se meri adhuri si dastaan k liye
sitaara e sar e misigaan sambhal kar rakhna
bane ga kal yehi tamheed dastaan k liye
sisakti daikh rahi hoon main sans lafzoon ki
koi kiran na rahi qariya e bayaan k liye
utar rahi hai daricha e khaab main ab shaam
k aarzoo hi nahin ab to saa'ibaan k liye
gaye dinon ki rafaqat hai or ham tanha
tamam sood the shaid isi zayaan k liye
tumhari yaad k thahre samandaron ki qasam
ye khamshi bhi aziyat hai jism o jaan k liye ...............
__________________
Kami kis shae ki hai tere khazaane me mere Allah
Jhukaa ke sar jo maangun teri rehmat mil hi jaaegi...
|