Ik lamha, jis me sari jalan,
Ye sari Khalish, ye sari chubhan.
Zaat ka ye be-hangam Shor,
khamoshi me dhal jaye.
ik lamha, K pairon ki zami'n.
ye Kashish-e-saqal,
na-maloom fasana ho jayen!
Sadyion se shikasta bojhal Dil.
dheemy dharky!
Bas aik khala, Taa Hadd-e- nigah!
mera maskan ho!
Me raqs karun or karti rahun,
Us an-dekhy khali pan men,
Ik lamha, esa k sab kuch dhundla jae,
waqt ki saari zanjeerain,
Zehen ki saari tadbeerain,
Kia? kese? kiu ki Soch na ho!
Rooh par koi bojh na ho!
Ik lamha, esa ho jis men,
har dukh se pary,
men kho jaun.
Us khala ka hissa ho jaun.