Thread: Kia hua usko agar meri wafa yaad nahiN
View Single Post
  #1  
Old Thursday, September 03, 2009
sara soomro's Avatar
sara soomro sara soomro is offline
Senior Member
  
Join Date: Jan 2008
Location: pakistan
Posts: 808
Thanks: 232
Thanked 1,099 Times in 496 Posts
sara soomro has a spectacular aura aboutsara soomro has a spectacular aura about
Default Kia hua usko agar meri wafa yaad nahiN
Kia hua usko agar meri wafa yaad nahiN
Ab to is shehr maiN bandoN ko Khuda yaad nahiN

Aakhri baar ki baarish ko zamanay guzray
Shehr maiN aayee thi kab baad-e-saba yaad nahiN

Zindagi guzra hua khwaab nazar aati hai
Kia bhula Daala hai, kia yaad raha, yaad nahiN

Intezaar iska tha muddat se, yahi yaad hai bas
Kiska paighaam ye layee hai hawa yaad nahiN

Ye khabar hai ke ye manoos si khushboo hai magar
Kaisay manoos hai, ye baat zara yaad nahiN

Shiddat-e-dard ne kuch hosh gaNwaaye aisay
Koyee dukh, zakhm koyee, koyee dawa yaad nahiN

Sub'h ko DhoonDe gi ye ja ke kahaaN jaa-e-panaah
Apna anjaam shab-e-taar ko kia yaad nahiN

Jaisay kho jata hai chup chaap fizaaoN maiN Saraab
Apna qissa bhi tha paani pe likha, yaad nahiN ....
__________________
Kami kis shae ki hai tere khazaane me mere Allah
Jhukaa ke sar jo maangun teri rehmat mil hi jaaegi...
Reply With Quote
The Following 2 Users Say Thank You to sara soomro For This Useful Post:
happy ending (Thursday, September 03, 2009), saitzaz (Friday, September 04, 2009)