اختر
زما دوطن پېغلو ته ډالۍ يې دي راوړي
اختر يو بنجاره دى خوشالۍ يې دي راوړي
د ستورو ستارې به پېغلو جونو باندې وېشي
يو شرنګ به شي لمنو ته پاولۍ يې دي راوړي
دچټو سپينو پېغلو په ټټر به ځونډي زانګي
وږمې لري لونګ ګېډۍ ګېډۍ يې دي راوړي
دروايې خلئ پکار به شي ددنګو ښکلو غاړو
د سپينو مر غلرو غاړکۍ يې دي راوړي
دلرې وطنونو مساپر يې سره ټول کړل
باران دى د سين غاړې ته هيلۍ يې دي راوړي
ځوانان به سره وکاندي د مينې مجلسونه
عامره چې وختونه د ځوانۍ يې دي راوړي