Majeed Amjad -- My Fav Poet
Matrooka Makan
Yeh muhlay’ yeh garoonday’ yeh makan
Hum say pehlay bhi yehan
Bus rahay thay such bharay aangaan’ sunehri bustian
Janay walay ghar ki chahat say tahi pehloo na thay
Itnay bayqaboo na thay
Rookta kon? Jhuki mahraab kay bazoo na thay
Is atal honi ki zanjeeron mein jakray qaaflaay
Saath lay jatay isay
Baat sirf itni ka iss dewaar kay paoon na thay
Ab who rohein gonjtay jhakar mein gulti siskian
Un kay maskan yeh makan
Munhadam adwaaar kay mulbay pay jalti arthian
Rakh hoti hudeon kay garm garay mein gundhi
Girtay ashkoon mein dhallle
Ab yehien eentaain hamari azmat-e-aftaadgi
Par gaey eentooon kay muratay zaweon kay bus mein hum
Bhool gaey sub apnay gham is daam-e-khishat-o-khass mein hum
Bhir gaey aapas mein hum
Yeh muhlay’ yeh mandairein’ yeh mahal’ yeh mandlian
Kon dekhay ab yehan
Khinch gaein kitni dewaarein diloon kay darmeyaan
Bhar leiy hum nay in ewaanooh mein jitney thay shigaaf
Kon dekhay assmaan ki chaaat mein hein kitnay shigaaf
Selection from "Amrooz" by Majeed Amjad
Qamar
|