Youn shikaston se dar nahi jatay,
koi bicherray tou mar nahi jatay,
aankh khulnay se toot'ti hai neend,
khawab gir ker bikher nahi jatay
mein urranai'n tou kab ki bhool chuka,
bas meray baal o par nahi jatay,
meray ghar pe wo likh gaya kal shab,
dar khula chorr ker nahi jatay,
hijer k saahilon se takra ker,
dil k darya uter nahi jatay,
mein tou shayir hun so hun aawara,
"AP" kyon apnay ghar nahi jatay?
saathi us be'wafa se milnay ko,
dil tou chahay...mager nahi jatay