رزلٹ آنے کی بات کرتے ہو ؟

دل جلانے کی بات کرتے ہو

ہم نے منہ لٹکا رکھا ہےاور تم

کھلکھلانے کی بات کرتے ہو ؟

رزلٹ کا انتظار ایسے ہی ہے جیسے قیامت کا انتظار ۔ ۔ ۔ ذکر تو بڑا سنتے ہیں لیکن دیکھی نہیں آج تک ۔ ۔ ۔خوف بھی بہت ہے مگر وقت نزع آنے کا نام ہی نہیں لیتا

یہ بھی علم نہیں کہ اعمال نامہ کیسا ہو گا ۔ ۔ ۔ دائیں ہاتھ میں پکڑایا جاۓ گا یا بائیں ہاتھ میں ۔ ۔ ۔ہم ہنسیں گے یا لوگ ؟ ؟ ؟ اس سوال نے دن کا چین اور راتوں کی نیند اڑا رکھی ہے ۔ ۔

لوگوں کو بھی اگلے پچھلے بدلے چکانے کا سنہرا موقع ملا ہے اور وہ چھریاں چاقو تیز کیے بیٹھے ہیں ۔ ۔ ہماری متوقع درگت کا سوچ سوچ کے انہیں خوشی کے مارے نیند نہیں آتی ۔ ۔ ۔آنے والے وقت کی جھلکی دکھانے کے لیے اکثر نہایت دل جلانے والے انداز میں یہ سوال داغا جاتا ہے ؛

آیا نہیں ابھی تک ؟

ادھر یہ سوال ان کی مزہ لینے والی مسکراہٹ میں لپٹا ہوا برآمد ہوتا ہے اور ادھر بی پی خطرناک حد تک لو ہو جاتا ہے ۔ ۔رنگت زرد پڑ جاتی ہے ۔ ۔ ہاتھ پاؤں کانپنے لگتے ہیں ۔ ۔ ۔دل ایسی بد تمیزی سے دھڑکتا ہے جیسے کمبخت کو آج سے پہلے دھڑکنے کا موقع ہی نہیں ملا ۔ ۔ ۔ایسے موقع پر سوال کرنے والے مہربانوں کے سامنے نگاہ نہیں اٹھتی ۔ ۔ ۔شرم سے نہیں ۔ ۔ ۔ شرمندگی سے ۔ ۔ ۔گویا رزلٹ نہ آنے کے پیچھے ہماری اور رانا بھگوان داس صاحب کی مشترکہ سازش کار فرما ہے ۔ ۔

کچھ ایسے مہرباں بھی ہیں جو نہایت شفقت سے استفسار کرتے ہیں ؛

کب پاس ہونے کی خوش خبری سنا رہی ہیں ؟

بلاشبہ ان کے خلوص کا مجھے اتنا ہی یقین ہے جتنا اپنے امتحان دینے کا۔ ۔ ۔لیکن ایسے موقع پر شگر لیول یک
دم گر جاتا ہے ۔ ۔ ۔شاید زمین پہ ۔

زمین و آسماں نگاہوں کے سامنے گھوم سے جاتے ہیں
کیا کیجیے ایسے لوگوں کی خوش امیدیوں کا َ؟ جو انہوں نے ہم سے خوامخواہ لگا رکھی ہوتی ہیں ۔ ۔ ویسے تو ہمیں فیل ہونے میں قطعی طور پر اعتراض نہیں ہوتا لیکن شرمند گی کے مارے پاس ہونے کو بڑا ہی جی چاہتا ہے ۔ ۔ ۔

Godot ڈرامہ میں دو کردار "Waiting for Godot"رزلٹ کا انتظار ایسے ہی ہے جیسے
کا انتظار کرتے ہیں ۔ ۔ اور وہ بھی آنے کا نام ہی نہیں لیتا ۔ ۔ ۔سی ایس ایس کے رزلٹ کی طرح ۔ ۔ ۔ہاۓ

بقول فیض ؛

تم آۓ ہو نہ شب انتظار گزری ہے

تلاش میں ہے سحر بار بار گزری ہے


فرح ظفر

__________________
Love is my Shield,Truth is my Sword,Brain is my Crown,Smile is my Treasure and I'm a Queen;
Quitters never win and Winners never quit..!!!