suragh dey ga kahin jaa k mah-o- saal me tu!
suragh dey ga kahin jaa k mah-o-saal me tu
kahin rahey ga meray kooza-e-khayal me tu
parayee dhoop sey angan ki tairgee achi
ulajh raha hai yeh kis roshni k jaal me tu
tujhey khabar nahi urrti hai khaak-o-jaan kaisey
ghira nahi kisi andesha-e-zawal me tu
me dekhta hoon lakeeron ki sarhadon me tujhey
likha hua hai meray dast-e-kamaal me tu
tujhey main maang raha hoon yeh kis bahaney sey
chupa hua hai meri khuwahish-e-sawaal me tu
kisi ki aankh sey khuwabon ki kirchiyaan chunn ker
ab ek um'r sey baitha hai kis malaal me tu
kahan gaya teray andar ka khud pasarat Zafar
bikhar gaya hai kisi shaks k jamaal me tu
----------Zafar Iqbal
__________________
" Woods are lovely dark and deep But i have promises to keep And miles to go before i sleep "
|