Kai Arzoo key Sarab they
Kai Arzoo key Sarab they,jinhain Tashnagi nay bujha diya
Mein Safar mein tha kisi Dasht key, mujhe Zindagi nay bujha diya
Wo ju kuch Haseen sey Khawab thay , meray Ansoo'un main he Ghul gaye
Ju Chamak the meri Nigah mein, usay aik Nami nay bujha diya
Yeh Dhuwan Dhuwan ju Khayal hain, issi Baat ki tu Dalil hain
Koi Aag mujh mein Zaroor thi, jisay Bay-Hissi nay bujha diya
MerayWusatounki Hadon talak,meri Dharkan'un he ka Shor hai
Meray Gird itni Sadain thein , unhain Khamshi nay bujha diya
Kahan Khatam hai mujhay kya pata, meri Kashmakash ka ye Silsala
Mein Charagh ban key Jala he tha, mujhay phir kisi nay bujha diya
Wo ju aik Safar ka Junoon tha, wo ju Manzil'un ki Talash thi
Ju Tarap thi muhj mein Kahn gi ,mujhay kisi Kami nay bujha diya
Wo hua tha Raat ju Hadsa , mujhay shayad itna he Yaad hai
Koi Jugnu'un ki Qataar the, jisay Roshni nay bujha diya
__________________
To succeed,look at things not as they are,but as they can be.:)
Last edited by Amna; Sunday, November 03, 2013 at 01:40 AM.
|