#1
|
||||
|
||||
Sochta hoon
Sochta hon ke muhabbat se kinara kar lon
Dil ko begana-e-targeeb-o-tamana kar lon Sochta hon ke muhabbat hai junoon-e-rusava Chund bekaar se behooda khayaalon ka hajoom Ek aazaad ko paaband banaane ki havas Ek begaane ko apnaane ki sai-e-mauhoom Sochta hon ke muhabbat hai suroor-e-masti Is ki tanveer mein roshan hai fazaa-e-hasti Sochta hon ke muhabbat hai bashar ki fitrat Is ka mit jana, mitaa dena bohot mushkil hai Sochta hon ke muhabbat se hai taabinda hayat Aap ye shama bujha dena bohat mushkil hai Sochta hon ke muhabbat pe kadi shartein hain Ik tamaddun mein musarrat pe badi shartien hain Sochta hon ki muhabbat hai ik afsurda si laash Chaadar-e-izzat-o-naamoos mein kafnaai hui Daur-e-sarmaya ki raundi hui rusva hasti Dargah-e-mazahab-o-ikhlaaq se thukrai hui Sochta hon ke bashar aur muhabbat ka junoon Aisi bosida tamaddun se hai ik kaar-e-zaboon Sochta hon ke muhabbat na bachay gi zinda Pesh-az-waqt ki sarh jaaye ye galti hui laash Ye he behtar hai ki begana-e-ulfat hokar Apne seene mein karoon jazb-e-nafrat ki talaash Aur sauda-e-muhabbat se kinara kar lon Dil ko begana-e-targeeb-o-tamana kar lon. |
|
|
Similar Threads | ||||
Thread | Thread Starter | Forum | Replies | Last Post |
Mohabbat Chup Nai Rehti | The Star | Urdu Poetry | 2 | Thursday, January 08, 2009 09:05 PM |
Khaa段f Hoon | Last Island | Urdu Poetry | 0 | Monday, December 24, 2007 07:39 PM |
Mein sochta hoon | Wounded Healer | Urdu Poetry | 0 | Wednesday, October 31, 2007 12:40 AM |
is shehr meN kyaa jaaniYe kyaa Dh`ooND rahaa hooN! | Sureshlasi | Urdu Poetry | 0 | Thursday, June 28, 2007 03:55 AM |
Jab tere shehar se guzarta hoon | Last Island | Urdu Poetry | 0 | Friday, January 12, 2007 06:26 PM |