Adrift in uncharted waters

tuluu-e-shams-e-mufaaraqat hai
puranii kirnein naye makaanoun ke aaNganoun mein laraz rahii hein
fasiil-e-shahar-e-vafa ke rozan chamakate zarroun se bhar gaey hein
gaye dinoun ki aziz baatein nigar subahein gulab raatein
bisaat-e-dil bhii ajiib shay hai hazaar jiitein hazaar maatein
judaaiyoun ki havaayein lamhoun ki Khushk maTTii uraa rahii hein
gaii rutoun kaa malaal kab tak
chalo ke shaaKhein to TuuTtii hein
chalo ke qabroun pe Khuun rone se
apanii aaNkhein hii phuuTtii hein
ye mor vo hai jahaaN se mere tumhaare raste badal gaye hein
puraanii raahoun ko lauTanaa bhii hamaarii taqadiir mein nahiin
ke raaste bhii hamaare qadamoun ke saath aage nikal gaye hein

tuluu-e-shams-e-mufaaraqat hai

tum apanii aaNkhoun mein jhilMilaate huye sitaaroun ko maut de do
gaii rutoun ke tamaam phuuloun tamaam Khaaroun ko maut de do
naye safar ko hayaat baKhsho
ke pichhalii raahoun pe sabt jitane nuquush-e-paa hein
vo baar hounge
havaa uDaaye ke tum uDaao
(Amjad Islam Amjad)

کسی کلی نے بھی نہ دیکھا آنکھ بھر کے مجھے
گزر گئ جرسِ گُل اُداس کر کے مجھے

میں سو رہا تھا کسی یاد کے شبستاں میں
جگا کے چھوڑ گۓ قافلے سحر کے مجھے

میں رو رہا تھا مقّدر کی سخت راہوں میں
اُڑا کے لے گۓ جادُو تیری نظر کے مجھے

میں تیرے درد کی طغیانیوں ڈُوب گیا
پکارتے رہے تارے اُبھر اُبھر کے مجھے

ذرا سی دیر ٹہرے دے اے غمِ دنیا
بُلا رہا ھے کویٔ بام سے اُتر کے مجھے

پِھر آج آئ تھی اک موجہ ہواۓ طرب
سنا گئ فسانے اِدھر اُدھر کے مجھے

(ناصِر کاظمی)

یہ داغ داغ اُجالا، یہ شب گزیدہ سحر
وہ انتظار تھا جس کا، یہ وہ سحر تو نہیں

یہ وہ سحر تو نہیں جس کی آرزو لے کر
چلے تھے یار کہ مِل جائے گی کہیں نہ کہیں
فلک کے دشت میں تاروں کی آخری منزل
کہیں تو ہو گا شبِ سست موج کا ساحل
کہیں تو جا کے رُکے گا سفینہِ غمِ دِل
جواں لہُو کی پُراسرار شاہراہوں سے
چلے جو یار تو دامن پہ کتنے ہاتھ پڑے
دیارِ حسن کی بے صبر خواب گاہوں سے
پُکارتی رھیں باہیں، بدن بُلاتے رہے
بہت عزیز تھی لیکن رُخِ سحر کی لگن
بہت قریں تھا حسینانِ نُور کا دامن
سُبک سُبک تھی تمّنا دبی دبی تھی تھکن

سُنا ہے ہو بھی چُکا ھے فِراقِ ظُلمتِ نُور
سُنا ہے ہو بھی چُکا ہے وصالِ منزلِ گام
بدل چُکا ہے بہت اہلِ درد کا دستُور
نشاطِ وصل حلال و عزابِ ہجرِ حرام
جِگر کی آگ، نظر کی اُمنگ، دِل کی جلن
کسی پہ ہجراں کا کوئی اثر ہی نہیں
کہاں سے آّئی نگارِ صبا کدھر کو گئی
ابھی چراغِ سرِ راہ کو کُچھ خبر ہی نہیں
ابھی گرانئِ شب میں کمی نہیں آئی
نجاتِ دیدہ و دِل کی گھڑی نہیں آئی
چلے چلو کہ وہ منزل ابھی نھیں آئی
(فیض)