Zindagi se darty ho? Zindagi to tum bhi ho
Zindagi to hum bhi hain
Aadmi se darty ho? Aadmi to tum bhi ho
Aadmi to hum bhi hain
Aadmi zuban bhi hai, Aadmi biyan bhi hai,
Us se tum nahin darty!
Harf aur maeny k rishta-haye-ahan se aadmi hai wabasta
Aadmi k daman se zindagi hai wabasta,
Us se tum nahin darty!
Unkahe se darty ho?
jo abhi nahin aye us ghari se darty ho
us ghari ki amad ki agahi se darty ho

Pehly bhi to guzry hain, dour narsaye k
beriya khudaye k
phir bhi ye smajhty ho, haich arzo-mandi,
yeh shabe zuban bandi, hai wohi khuda-wandi!
Tum magar ye kiya jano
lab agar nahin hilty, hath jag uthty hain
hath jag uthty hain, rah ka nishan ban kar,
noor ki zuban ban kar
hath bole uthty hain, Subah ki azan ban kar

Roshni se darty ho
Roshni to tum bhi ho, roshni to ham bhi hain
Roshni se darty ho
Shehr ki fasilon per, deyo ka jo saya tha, pak ho gaya akhir
Raat ka libada bhi, chak ho gaya aakhir,
Khak ho gaya aakhir

Azdaham e insan se fard ki nawa aye,
zat ki sada aye
Rah e shouq me jaisy rahro ka khoun lapke,
ik naya junon lapke
Aadmi chalak uthy, Aadmi Hansy dekho
Shehr phir basy dekho

Tum abhi se darty ho!
han abhi to tum bhi ho, han abhi to hum bhi hain
Tum abhi se darty ho!